مذكرات طالب متقاعد...

[أبو هُميم]

"هذا الموضوع .. من ذكريات منتديات الشامل .. ايام زمان .. ما أذكر من الكاتب بالتحديد..الذاكره خاينه"

======

السلام عليكم ورحمة الله وبركاته



حلفت عليكم لا حد يقوم من مكانه الله يسلم حالكم اليوم جالس وقلت هات يا ولد واقرأ كمين صفحة من مذكرات المدرسة وايام
الدراسة والشقى والهم واول ما فتحت سبحان الله فتح على فصل وعلى صفحات الثانوية .
سمعوا القصة عن ابو كشة (أنا) وصديقي حمدون وسعدون .

(صبح اول يوم في الثانوية )
ملاحظة انا وحمدون ثالث ثانوي وسعدون ثاني ثانوي . كنت طالع بالسيارة مداوم المدرسة وتعرفوا
الدشداشة جديدة مرة قلت اخطف (امر على حمدون .. طلاب ثانوية لاه ) ورايح بالبيك اب
ابو كشة : توت توت علوه يو حمدون قوم مدرسة .
ابو حمدون : ولدي مو باغيين تروحوا تشتغلوا والا هين سايرين.
ابو كشة : الوالد اليوم بداية الدراسة يعني ماشي شغل مفتكين من تعب لجداد
ابو حمدون : سمعت صوت السيارة عين ابوه تقول موستانج وبعديناها بالله عليك نتوه مال دراسة نوبا .
ابوكشة : (يعرف الموستانج بعده )ازيدك من الشعر بيت واصلين ثالث ثانوي
ابو حمدون : واجد عليكم انا يوم كنت كماكم كنت واصل الخامس وانتوه بعدكم في الثالث
ابو كشة : مو تسوي ابو حمدون تراه الاكبر اعقل هههههههههههههههه المهم هين حمدون
ابو حمدون : يتريق جالس تو بنهمه اخليه يجيك .
ابوكشة : تسيرع (تحرك) الوالد تراني سمعان انه المدير متشدد ويسكر الباب من الساعة سبعة
ابو حمدون : اذا سكر الباب لجدار قدامكم قحموا من لجدار وبعدين بو يسمعك يقول هنا الدنيا .
ابو كشة : وافقري اذا هذا اول يوم الله يعين بس
حمدون : هلا ابو كشة الله يصرفك انتظرك من امس في الليل .
ابوكشة : حموه الله يصرفني ... بعدين تعال لا تكون نوبا نته ما نمت امس تفكر في الثانوية .
حمدون : يا اخي تراني من الحين اخبرك اذا جبت اقل من 96 % اعيد السنة
ابو كشة : افااا يا حمدون باغي تغدربي وتجيب 96 %
حمدون : وابوي نته كم ناوي تجيب
ابو كشة : اقل من 99.99 % ما اتنازل
حمدون : حمهوه ما تقول 100 % احسن لك شيه .
ابو كشة : يا اخي خاينني التعبير والا كان زين
حمدون : انزين شغل هذي الدبابة .
ابو كشة : تراني تو بنزلك وبتروح في هذاك الباص تدافر .
حمدون : ابوي ما دبابة موستانج.
ابو كشة : عجبني ابوك بالمرة قال مو ذا الموستانج ما نته تقول دبابه .
حمدون : انزين تحرك تراه اليوم توزيع كتب .
ابو كشة : وابوي كنها السيارة خانتني وما بايه تمشي .
حمدون : لا تقول ادف تراها الدشداشة جديدة .
ابو كشة : صبر شتغلت ركب ركب . ابو لازم ما بتشتغل ما راكب فيها انسان حشى .
حمدون : مو قصدك ... لا تمن علي بسيارتك تراني بنزل .
ابو كشة : حشا بس تراك نوبا نته ما محاسب على وزنك يالدب ههههههههه
حمدون : انزين مشي .
---------------------------------------------------------
وصلوا الشباب المدرسة .
حمدون : العور شوف سعدون جاي من الصبح .
ابو كشة : لا تعطيه فيس فضحتنا تراه بعده ثاني ثانوي .
حمدون : صدقك بس اشوفه جاي صوبنا تراه يلزج بعمره .
ابو كشة : خلي عمرك ما تعرفه
سعدون : السلام عليكم ورحمة الله .
سعدون : السلام عليكم قلنا ما لكم ما تردوا
ابو كشة : ردينا في السر لاني الصراحة مذاكر واخاف انسى معلومات .
سعدون : مو مذاكر اها اليوم اول يوم .
ابو كشة : ابوي ناس متحركة .... ثالث ثانوي ما مثل بعض الناس .
سعدون : اقول حمدون ماله صاحبك بدأ اشوفه يغلط في الكلام .
حمدون : ابوي من حقه عود تراه ثالث ثانوي.
سعدون : ابوي انا الغلطان يوم كلمتكم انا ساير عنكم .
ابو كشة : ويتفاعل غاز الميثان مع الاكسجين وتنتج حرارة عالية وتصدر فرقعه
سعدون : بعده يتمصخر علي :-(
ابو كشة : هههههههه اقول سعدون تراه اليوم عليك الدور تشتري من الجمعية
سعدون : مو خادمكم انا واموه .
حمدون : تراه معروف لكبير يامر على الصغير خخخخخخخخخخخخ
سعدون : ما عليكم اسبوع وبتروح هذا البطرة .
.................................................. ................
بعد الحصة الثالثة .
حمدون : يالله هين عني لفراش تراه الظهر ماشي مروح .
ابو كشة : ما شي يواسيلك ظهرك نته الا طلوع النخيل .
حمدون : ابوي ما اريد 96 اريد 93
ابو كشة : هههههههههه وبتعيد السنة
حمدون :وافقري لا تغمني تراني تعبان من اليوم .
ابو كشة : اهم حاجة هين سعدون يتجمل يروح يشتريلنا
حمدون : ما كنه تأخر وباقي خمس دقائق احسن تروح نته تشتري
ابو كشة : انته الاصغر بيومين يعني انته تروح .
حمدون : من قالك عاد اني انا اصغر .
ابو كشة : الوالدة تقول اني مولود يوم يوم الخميس وانته يوم السبت .
حمدون : اقول انا ما اريد اكل شي .
ابو كشة : الحسد لا ومخلني اشرحله من اكبر
.............................
في الحصة الرابعة .
المدرس : اذا لا سمح الله في المختبر سقطت انبوبة اختبار بها حمض مركب ما الذي يجب علينا فعله . ابو كشة جاوب ؟
ابو كشة : نجيب سعدون يجمعه لانه الاصغر سنا :smile:ههههههه قصدي نضع عليه محلول قلوي لكي ...
المدرس : احسنت مشكور . يا اخي حمدون كمل لماذا نضع عليه محلول قلوي
حمدون : لكي يتعادل الحمض مع القاعدة وينتج ملح وماء .
المدرس احسنت اجلس .
----------------------
بعد الحصة وبعد ما بدع ابو كشة وحمدون .
حمدون : ولد العم سمعت لمدرس يوم قال الاخ حمدون كمل .
ابو كشة : تراه يجاملك لا تصدق . قوم نهرب تراني تعبان .
حمدون : يالله خلا نروح .

ركبوا السيارة وفي الطريق. وقف لهم هندي اسود
الهندي : اوووه اخوي وين يريد روه .
ابو كشه : حمدون مبروك حصلنا اخوك
حمدون : الله يقرعك هذا اخوك نته .
ابو كشة : يريد روح سوق .
الهندي : ممكن يوصل انا سوق .
حمدون : بميتين بيسة .
الهندي : صديق انا مسكين ما في شغل بيت مال تعبان حرمه مال انا مريض .
ابو كشة : والله ما حد قالك تتزوج .
حمدون : ركب صديق ركب بمية بيسة اخر كلام .
الهندي : اوكي شكرا صديق .
ابو كشة : اها سيارتك واموه تقوله ركب ... صديق انزل
حمدون : يقولك ابوه وامه مريضين حرام عليك
ابو كشة : ما قال ابوه قال حرمته وبيته .... صديق اركب وببلاش
حمدون : حسد عن اتربح مية بيسة
ابو كشة : حرام عليك تراه مريض ابوه هههههههههههههههههه.
حمدون : وابوي سعدون يتصل .

[أبو هُميم]

::

وصلنا عند سعدون يتصل .
سعدون : الوووه حمدون
حمدون : عفوا الرقم الذي اتصلت به لم يتم توصيله الرجاء مراجعة دليل الهاتف .
سعدون : حمدون تراني باغنك في موضوعين واحد خبر سعيد وواحد محزن وضروري لا تتمصخر .
حمدون : اول حاجة سمعني الخبر السعيد .. فصلوك من المدرسة والا طردوك ونقلوك مدرسة ثانية .
سعدون : فال الله ولا فالك .
حمدون : هذا اسعد خبر لو كان صحيح بس هات مو الخبر اللي تريد تخبرني اياه .
سعدون : عينوني رئيس للصف .
حمدون : عاد ما خبر سعيد بس زين لو تبشر ابوك بالخبر
سعدون : من دون ما تخبرني اتصلتبه وبشرته .
حمدون : وايش قال لما خبرته بهذا الخبر السعيد .
سعدون : ما قال شي بس سكر التلفون .
حمدون : ههههههههههههه والخبر الحزين على قولتك مو هوه
سعدون : الخبر الحزين اني ما محصل سيارة وباغي اروح البيت .
حمدون : مسكين والله المشكلة احنا بعيد وما نقدر نرجعلك .
سعدون : ارجوكم رجاء تراني ما محصل سيارة والباص زحمة
حمدون : كان تريد تدفع نص ريال حال البترول
سعدون : اها انا في حياتي ما شفت نص ريال .
حمدون : عجب من تشوف النص ريال بنجيك
سعدون : ابوي تعالوا بطيكم نص ريال
(سكروا الهاتف )
حمدون : ابو كشة تراه صاحبك حمدون متغلق وما محصل سيارة مو رايك نروح نشله نكسب اجر .
ابو كشة :خليه يغيب .
حمدون : حرام عليك وتراني متفق انه يعطينا نص ريال .
ابو كشة : استغربت انا انه حمدون ولد خميس يسوي شي لوجه الله ههههههههه
حمدون : لا تتمصخر مو قلت بترجعله والا
ابو كشة : وحدي بعدني ما نسيت انه ما راح يشتريلنا من الجمعية وجلسنا نريضه .
حمدون : تعال صح كيف راح من بالي هذا الشي قوم نروح .
ابو كشة : المهم الله يسلم حالك انا مسوي جدول مذاكره حال هذي السنة .
حمدون : ترتيب الصراحة ايش اليوم بناكر .
ابو كشة : اليوم اجازة بنروح شاطي القرم .
حمدون : ترتيب الصراحة شاطي القرم وفيه بنات كثير .
ابو كشة :تعرف اني انا ما شغلي بنات انا انسان متدين وملتزم بس اريد اروح اشوف ابا خالد.
حمدون : من ابا خالد هذا .
ابو كشة : البحر الله يصرفك اسمه ابا خالد .
حمدون : نوبا من متى هذا الكلام .
ابو كشة : اليوم في حصة الرياضيات جالس اقلب كتاب العربي محصل القصيدة اوين الشاعر مسمي البحر ابو خالد .
حمدون : يا رجال ابو خالد ابو خالد بس عاد من وين بيحصل ابو خالد ام خالد وهوه بهذا الحجم.د
ابو كشة : مو قالولك خطابه انا واموه .
حمدون : اوكي تمام نلتقى عصر ودربك خضر.
ابو كشة : سي يو مان
حمدون : تعرف انجليزي بعد . يالله غيب
.................................................. ...............
الساعة ثلاثة ظهر .
ابو كشة : هود هود حمدون يالله الشاطئ ينادينا .
حمدون : يا اخي قلبي يوجعني اروح واخلي الكتب وما اذاكر ههههههههه
ابو كشة : اهم الشاطي ولعب الكورة والا اهم المذاكر
حمدون : الشاطي طبعا اسميك خففت عني والحين ضميري مرتاح لان الاهم قبل المهم هههه
ابو كشة : كذاك اريدك بس جبت الشيشة ؟
حمدون : افا عليك اكيد جبتها هذي حاجة حد ينساها .
ابو كشة : لو ما جايبنها كنت ما بتركب السيارة .
حمدون : يالله قوم خلى
ابو كشة : صبر صبر اول حاجة نظف رجولك من الاوساخ قبل لا تركب .
حمدون : اها انا بركب شبح والا موستانج تراها شطفت بيك اب .
ابو كشة : تراه بتنزل وقد اعذر من انذر .
حمدون : ابوي دوك خلاص نظفت رجولي واسف
.................................................. ..........
وصلوا الشباب الشاطئ وفي الليل .
حمدون : ابو كشة كني اشوف شكل ما غريب علي متجه نحونا .
ابو كشة : يا اخي من كثر ما نخاف نحصل سعدون هنا قمنا نتخيله ههههه
حمدون : هذا سعدون جاي بصدق ضاعت الجلسة .
سعدون : السلام عليكم ورحمة الله حمدون .
ابو كشة :اعوذ بالله مو انا ما لي رب تسلم على حمدون بس .
سعدون : سمحلي ابو كشة ما شفتك بس ليش تتعوذ مو شايف جني والا شبح .
ابو كشة : والله ما رحت بعيد هههههههههه
سعدون : الله يسامحك يعني انا اشبه الجني .
ابو كشة : لا ما انته تشبهه هوه ماخذ بعض من حلاتك خخخخخخخخخخ
حمدون : خخخخخخخخخخخخخخخخخخخخخخخخخخخخخخخخخخخخخ
سعدون : المهم انتوه المفروض تذاكروا لانكم ثانوية مو جايبنكم هنا .
حمدون : سعدون بتتعلم لما تصير ثالث ثانوي انه كل شي اله وقت
ابو كشة : صدقه ولد العم والحين وقت ترويح القلوب حمدون روح جيب الشيشة .
سعدون : حرام عليكم تدخنوا شيشة وانتوا بعدكم الحين في مقتبل العمر .
حمدون : سعدون ابوي تفلسف في الصف ما هنا بعدين الشيشة الها فوائد كثيرة .
سعدون : ايش فوائدها ؟ اذكر واحد منها .
ابو كشة : تقوي جهاز المناعة وتقتل الجراثيم وتنضف الشرايين وتعالج التهاب المفاصل .
سعدون : لا بعد قول انها علاج حال السعال والصداع
حمدون : يمكن ليش لا تراه العلم يكتشف كل يوم فوائد الشيشة ههههههههه
سعدون : والله يا شباب الدين النصيحة وانا انصحكم تتركوا التدخين وتهتموا بالدراسة .

وللقصة بقية
ملاحظة : تراني الشيمة لا تظنوا اني ادخن شيشة بس تراه لزوم القصه .

[أبو هُميم]

::

ابو كشة رجع من الشاطي وخلاص مهدود وتعبان لا وراجع متأخر (الساعة وحدة بالليل )
ابوكشة : وابوي احسن افصخ نعالي لا حد نوبا يسمعني
الوالد : اعوذ بالله من الشيطان الرجيم جن والا انس .
ابو كشة : الوالد انس انس .
الوالد : حشا لله ما انس جني نته والا مو مطلعنك الحين .
ابو كشة : سلامتك الوالد بس تذكرت الشجار ما حد سقاهن ماي قلت ما يجوز تراهن روح .
الوالد : مو ذي الاشجار اللي تسقيهن من برا والا رايح تسقى اشجار الجيران .
ابو كشة : هاه الوالد بس تراه زين الواحد يتمشى على ذا الجو .
الوالد : اي جو وانته ما تشوف صبعك من الظلام بس اقولك يوم تحب الشجار لهذا الحد قوم معي خلا نروح نسقي بالفلج .
ابو كشة : الوالد كان ودي بس تعرف باكر مدرسة ودوام .
الوالد : ماشي مدرسة ما مدرسة وانته تو جاي مترغد قوم والا اكفخك بذا القب .
ابو كشة : خلا الشيمة قوم .
الوالد : ولدي نته روح سد من العين وانا اريضك هنا لاني ما اقدر اطلع .
ابو كشة : انزين الوالد تراه شي اختراع يسموه ليت مثل اللي ماسكنه في يدك هذا يستعملوه في الظلام عطيني اياه اندل الطريق .
الوالد : حموه لخيارة تراه الدنيا قمر روح طلع وتوكل على الله .
ابو كشة : ان شاء الله الوالد بطلع بس هذي وصيتي اذا ما رجعت :cry:
الوالد : ومن قالك بليس يكسر وعيانه روح وما يصيبك شي .
ابو كشة : المشكلة ما بليس المشكلة لا احصل ضبع جالس يشرب ويصرطني (ياكلني )
الوالد : لا تخاف الضباع ما ياكلن بعضهن .
ابو كشة : انزين باه في خاطرك شي .
الوالد : مشكور احسنت سد الفلج اهم شي .
.................................................. .........................
ابو كشة راح يسد الفلج وعند الفلج كان هناك هندي اسود مرة ما يحتاج .
ابو كشة : لا اله الا الله اشوف شي ابيض يتحرك احسن اشرد .
الهندي : اوه صديقوه وين ريد روه ما يريد فلج .
ابو كشة : قل اعوذ برب الفلق من شر ما خلق لا ما يريد فلج الفلج حالكم اللهم سكنهم في مساكنهم قل اعوذ برب الناس .
الهندي : هههههههه ليش انته خوف ابو كشه 8-)
ابو كشة : لا حووووووووول وانا اقول هذا الصوت ما غريب علي (يالله الحين برد فوادي )
الهندي : ليش في خوف
ابو كشة : اها ابوي لازم اخاف شفت شي ابيض يمشي طلعن ضروسك يالسبحه .
الهندي : فلج مال انته بعد واحد ساعة انا يروح وانته انتظار مني .
ابو كشة : هين باغي تروح ارباب مال انته خبر انا انته لازم يجلس منيه هوه في جاي بعد اثنين ساعة يريد انته .
الهندي : انته مصخرة واجد ارباب مال انا روح السعوديه .
ابو كشة : وابوي انته ما خبرك انه راجع اليوم قبل شويه جلس مكانك ولا تتحرك وبعدين ايش اللي في يدك .
الهندي : هذا هبز براتا وسالونه .
ابو كشة : وحليلك يا كاشور معك صالونه وبراتا تعال جيبهن اساعدك فيهن l:
الهندي : لا هذا اكل مال واحد نفر بس .
ابو كشة : انزين تراه انا واحد نفر .
الهندي : انته وانا اثنين نفر .
ابو كشة : ابوي غيب ما حد باغي من صالونتك وخبزك .
............................
بعد ساعة
الهندي : يالله الحين فلج مال انته .
ابو كشه : اوكي بنزل اسد الفلج انته انتظر واحد ساعة هنا ارباب مال انته في جاي .
الهندي : اوكي صديقوه انا انتظار .
ابو كشه : (هههههههه انتظر يالدب عسا يجيك ضبع يوكلك انته وصالونتك )
نزل ابو كشة علشان يسد الفلج ولدغته عقرب . وربط يده بعد ورجع وراح ينام .
................................................
الصبح الساعة اربع .
الديك كوكو كو كوووووووووع
ابو كشة : الله يصرفك يا ذا الديك متى يذبحوك ونفتك منك .
المهم غسل وجهه وتوضا وصلى ورجع .
ابو كشة : صباح الخير باه
الوالد : صباح النور ولدي مالك رابط يدك كما بو فيه عوار
ابو كشة : اها الوالد امس سلمت سلامة والا كنت بموت .
الوالد : مو هناك لا يكون حصلك الضبع .
ابو كشة : بعيد الشر الوالد لو محصلني الضبع كنت من صيد امس
الوالد : ابوي انته وخوتك ما اعتقد الضبع ياكلكم نتوه بتاكلوه ما مخليين حاجة الا واكلتوها بس مو عندك خير .
ابو كشة : لدغتني عقرب .
الوالد : زين حالك وبعدين الهندي جاي يشكي اوين كذبت عليه وخليته يريض ساعة .
ابو كشة : انا حصلته خايف يرتجف فزعان قلتله تعال جلس معي .
الوالد : ما ضنتي كذاك بس ما علينا قوم جيب المصحف خليني اقرأد
ابو كشة : دوك الوالد قرأ الله يدخلك الجنة .
الوالد : هوه وانته هين ساير ما تجلس تقرأ بجولي
ابو كشة : انا انا انا انا انا
الوالد : علوه غيب انا وانا .... تراك ما مال قرأن .
ابو كشة : حجة على النية الوالد وتراه يكفي انته تقرأ في البيت .
الوالد : انزين ولدي روح ساعد امك تقص بصل .
.................................................. ...............
ابو كشة : احسن اسوي رنات حال الشباب انهضهم من الرقاد اول واحد حمدون .
(ابو كشة يتصل بحمدون وبعد خمس دقائق رفع حمدون السماعة )
ابو كشة : السلام عليكم يا ابن العم
حمدون : مو باغي
ابو كشة : حشا حتى ما يرد السلام .
حمدون : خلصني مو باغي .
ابو كشة : باغي اسأل كم الساعة بس .
(سكر حمدون الخط بعد ما سب ابو كشة كمين سبه )
ابو كشة : ههههههههههههههههههه دور سعدون
(اتصل ابو كشة واول رنة وشله سعدون )
ابو كشة : حشا شوي شوي راصد على التلفون اربعة وعشرين ساعة باغي اسويلك بس رنه
سعدون : دواك وبعدين ما من قلة فلوسكم زين تخسر شويه .
ابو كشة : بو يسمعه يقول ابوي راقد على جبل فلوس .
سعدون : ياليت جبل وبس .
ابو كشة : المهم يالله مع السلامه .
سعدون : يالله باي .
ابو كشة : حمدون مسكين والله ليش ما اتصل اعتذر منه ههههههههههههههههههه
(يتصل وحمدون ما رفع السماعة وعصب حمدون واغلق الهاتف )
ابو كشة : عاد الحين وقت الريوق .
...................
ابو كشة : هاه ماه مو مسويين اليوم حال الريوق .
الوالده : مخلص الغاز وما شي ريوق .
ابو كشه : تراني مخبرنكم اني الحين ثانوية عامة يعني المفروض توفرولي احسن الريوق .
الوالده : حموه نوبا احسن الريوق.
ابو كشة : العقل السليم في الجسم السليم .
الوالده : ما صحيح والا لو كان صحيح بو يشوفك انته وذي الجثة وعقلك ما شي .
ابو كشة : انزين ايش الحل تراني اذا ما جبت نسبة منكم .
الوالدة : الحل انك تروح مطعم .
ابو كشة : المشكلة حمدون مسكر تلفونه والا بعزم نفسي معاه هههههههههه
المهم يالله بروح المدرسة .


هذا وانتهت ذكريات يوم كامل :sad:
تشاو

[الساحر البهلاوي]

شكراً عـ الموضوع اخي

ووفقك ربي وربك